شحن جواهر فري فاير inwi بأسهل طريقة رخيصة (شرح بالدارجة)
واش اساااط، الساطات، نتمناو تكونو على خير وبيخير، المهم باش بلا مانطول عليك ونخليك تمشي تلعب وتقصر مع عشرانك ليمكن شاخدينها فري فاير دبا، اليوم غانوريك كيفاش تشحن جواهر فري فاير inwi!
الطريقة ساهلة وبسيطة ماعليك غيتفتحلي شوي داك الراس وتبع معايا خطوة بخطوة باش تعرف كيف تشحن جواهر فري فاير بانوي، وديك الساعة تقدر تخزز على عشرانك ومتنسالياش تفرعهم فاللعب.
اه، وقبل مانسا ابوراس، مكرهناش تشارك المقال مع عشرانك ليعندهوم inwi، وحتى لاكانت عندهوم شي كارت اخرى شارك معاهم هاد المقال التحت، ولي فيه شارج اتصالات وارونج وانوي وشي طرق دالقوالب فاااابور.👇
افضل مواقع شحن جواهر فري فاير عن طريق id مجانا اون لاين
شحن جواهر فري فاير inwi
باش تعرف طريقة شحن جواهر فري فاير inwi عن طريق Shop2game لي كانعرفوه كاملين، مغاتحتاج تا شي رابط شحن جواهر فري فاير مجانا كيما تايقولو شي ولاد السوق وشي براتكا، ماعليك غيتبع طريقة Chop 2 game inwi فالخطوات الجاية!
الخطوة رقم 1:
اول حاجة اساط غاديرها هي دخل لهاد اليان ديال Shop2game التحت 👇
اضغط هنا من اجل الدخول الى الموقع الرسمي Shop2game
الخطوة رقم 2:
من بعد اخاي خاصك تحدد الدولة لي حنا فيها، هي المغرب ابوراس! (وغاسمحيلي راه هاد بوراس متتبغيش تفاك معايا سو بلا ماتقلق ويالله نكملو).
الخطوة رقم 3:
ودبا شوف نتا باش كادخل لفري فاير واش بالفايس ولا بالاي دي ID (معرف اللاعب)، اختار وحدة منهوم وبرك عليها.
الخطوة رقم 4:
ودبا بدون لغت خشب غاتبانلك واحد الّيستا كتب الآي دي ولاماكنتيش روبوت برك على “انا لست روبوت” 😂 ومنبعد برك على “تسجيل الدخول“.
الخطوة رقم 5:
ودبا اساااط غاتبانلك لالة inwi كاتقولك هاا انااا برك عليها.
الخطوة رقم 6:
ودبا غايبانولك العروض ليكاتقدمهوم لينا بنت السوق انوي وفجنبها التمن ديال كل عرض، اختار لي بغيتي ولي تقدر عليه ماشي تبقا تزرب على باك ولا مك.🤣
الخطوة رقم 7:
ودباااا القضية صعيبة غايديولك الفلوس🙄 ولاد الكلاب🥺 ولكن ماعندك ماااادير كاديرها فري فاير😂 غادّخّل نمرتك وغايهزولك منها الصولد لي ختاريتي!
نوووورمالمو غاتكون هنا ناضي في شحن inwi، ولكن شي مرات، شي مرات ماشي ديما، اقدر ايقولولك تعاود تسيفط الميساج لي وصلك للموقع، خاصك دخلو وتعاود تسيفطو للموقع وتايكون بهاد الشكل (ff6).
الخطوة رقم 8:
واخا، دبا اسيدي غاترجع الخطوة لي حبستي فيها فالموقع وغاتختار “المتابعة” الى شاشة الدفع باش نكمل البلان.
واخيرا ابوراس غاتكون قدرتي على شحن جواهر فري فاير inwi بطريقة Chop 2 game inwi Free Fire لي وريتك، و شوب فري فاير Shop2game انوي راه ساااهل غيتبع هادشي لي تانقولك، ولا وحلتي فشيحاجا دير تعليق وغانضيك.
اه، باش مانساش كاينين شي ناس تايعجبهوم الشرح بالفيديو، داكشي علاش تانقدمايهوم هاد الفيديو التحت، وقبل ماتمشي تانتا، بغيت نقولك راه كاين شي لعيبات دالفابور فالفقرات لي جاية😉
شحن جواهر فري فاير انوي
بغيتي دوز طريق اخرى وهي طريقة شحن جواهر فري فاير بتعبئة إنوي؟ الحل موجود! كاتقدم ليك الموقع الرسمي ديالها لي غايديك مباشرة لموقع Shop2game inwi.
كيفاش اديرليها، تبع هاد الخطوات:
اولا: ادخل لموقع ديال اينوي لشحن فري فاير من الرابط لتحت:
ثانيا: اتهبط لتحت وغاتبانلك Shop2game.com بزرق برك عليها.
ثالثا: اختار فري فاير ودخل المعلومات ديالك لي فيهوم معرف اللاعب ID والباسورد ديالك وبرك على “تسجيل الدخول”.
رابعا: اختار inwi كطريقة دفع ودخل رقم دالتيليفون ديالك.
خامسا: ودبا خصك غير تأكد الشرية ديالك وغاتكون ناضي.
بهاد الطريقة يمكن ليك تكون مهني وغاتشحن جواهر فري فاير inwi بسهولة.
شحن جواهر فري فاير مجانا
منبعد ماتعرفنا على طريقة شحن جواهر فري فاير inwi دبا غاتكون شارجيتي انوي، قبل ماتمشي تقصر بغيت نقوليك ماتبقاش تيق دوك اللعيبات ديال كيف تشوبي فري فاير مجانا ولا كودات shop2game او Chop 2 game مجانا.
أغلبية ديال دوك الطرق غي كدوب فكدوب، ايه كاين قوالب، ولكن تقنية، داكشي بحال هاك وارا😉 متلا مواقع شحن جواهر فري فاير مجانا هي طريقة كاتقدم شي خدمات بسيطة وكادي معاك شي براكة، بغيتي تعرف كيفاش برك هنا.
شحن جواهر فري فاير في المغرب من انوي inwi
ݣاع طرق شحن جواهر فري فاير في المغرب من انوي كاتعتامد على المواقع لي كايتشراو منها الجواهر او الدياموند!
كاينين 2 مواقع لي موثوقة ولي الأغلبية ديالنا كايشوپيو منهون، اما Shop2game inwi اي شبتو قيم فري فاير الرسمي وهو لي تعرفنا عليه الفوق مع الشرح المفصل.
وإما شحن جواهر فري فاير ihack.games، هادا واحد من افضل مواقع شحن جواهر فري فاير عن طريق id ، علاش زعما!؟
هاد الموقع ايقدر ايكون رخيص من الموقع السابق، ماشي غير هادشي، ولكن كايحاول ايقدم عروض وهدايا فكل مرة.
واخا هكاك كايبقا Shop2game خطير وهو اللول فهاد المجال، حيتاش هو الموقع الرسمي ديال جارينا او الشركة الرسمية لي واقفة مور فري فاير على قدها.
عروض دياموند فري فاير inwi
واحد الحاجة ضروري ندويو عليها الدراري، اي كارت ولا شركة دايرها لاماكانش فيها عروض مكاتعني والو، وبما اننا هنا لي كايهمنا هو فري فاير، ادن هاهي العروض لي كاتعطينا شركة اينوي:
- 50 دياموندة ب 6 دراهم
- 100 دياموندة ب 12 دراهم
- 210 دياموندة ب 24 دراهم
- 530 دياموندة ب 60 دراهم
- 1080 دياموندة ب 120 دراهم
- 2200 دياموندة ب 240 دراهم
وهادو هما العروض لي غاتلقا لابغيتي تشحن دياموند فري فاير بإنوي زائد شي كادو بونيس ايقد ايعجبك، يمكنلك اما تشحن بشوب تو جيم بالطريقة لي دوينا عليها الفوق ولا تختار طرق شحن فري فاير اخرى بحال وفاكاش ولا كاش بليس.
شوب فري فاير مجانا
ونزيدك بلا شوب فري فاير اينوي من Shop2game inwi، كاينين بزاف ديال مواقع شوب فري فاير سواء شوب أورنج اولا شوب فري فاير اتصالات المغرب أو شوب فري فاير اورنج Shop2game Orange.
كيفاش!؟
متلا اسيدي كاتاخد من Chop 2 game مجانا، الا! كادبر على مواقع رخاص لي كاتقدر تربح معاهم شي هدايا، وحتى فاش كادرب الحساب كاتلقا راسك تقامت عليك شلاا جواهر فاابور، باش تعرف كتر على هاد البلان وهاد المواقع، ادخل هنا.
طرق شحن فري فاير اخرى
من بعد ماوريتك كيف تشوبي فري فاير inwi من Chop 2 game inwi Free Fire، كاينين طرق اخرين ليتقدر تشحن بيهم كنا تعرفنا عليهوم فهاد المقال، ومن أهم الحوايج اللي غاتلقا تما هو هاد الطرق👇
- شحن فري فاير shop2 game orange
- شحن جواهر فري فاير عن طريق قسيمة غارينا
- شحن فري فاير Shop2game ooredoo مجانا
- شحن جواهر فري فاير اتصالات المغرب Maroc telecom
- شحن فري فاير عن طريق shop2 game wafacash
ودبا اساااط ومنساوش عزيزاتي الساطات سيرو تقصرو بصحتكوم، وماتنساوش دعمونا باش نكملو فهادشي واخا غا بمشاركة للمقال، لاكانت اي حاجة خلي شي كومونطير التحت، وتهلاااا✌️
